Yeh dil jab se Ishq e Nabi mein para he

Yeh dil jab se Ishq e Nabi mein para he

Na din ki khabar he na shab ka pata he

Ab tu basarat be kam ho ga’ey he

Teri gham mein aansu bahate bahate

[...]

Gulamiye Rasool ka Tuhfa Saja ke Dekh

Gulamiye Rasool ka Tuhfa Saja ke Dekh
Nadaan unke Dar pe Sar to Jhuka ke Dekh
Aati hai Taig-e-Josh main Rehmat hazoor ki
To Dastan-e-Gham Zara unko Suna ke Dekh
Qadmon Main Tere Hon Gay Khazan-e- jahan ke
Ek baar Unke Naam pe sab kuch Luta ke Dekh

[...]

jahan Jahan Bhi Ujala Dekhai Deta Hai,

Jahan Jahan Bhi Ujala Dekhai Deta Hai,
Mere Huzoor (SAW) Ka Jalwa Dekhai Deta Hai,
Yeh Aarzu Hai Waheen Jaa Ke Mera Dum Nikle,
Jahan Se Gumbad-e-Khazra Dekhai Deta Hai.

[...]

Jab MUHAMMAD (S.A.W.W) Ka Naam Laita Hun..

Dil Ki Aankhon Se Kaam Laita Hoon,
Un K Daman Ko Thaam Laita Hoon,
Door Hoti Hain Sari Mushkilain
Jab MUHAMMAD (S.A.W.W) Ka Naam Laita Hun..

Subah B’khair

[...]

Quraan Ghar Main Hai Mager

Quraan Ghar Main Hai Mager Hum Perhtey Nahi
Hum Dil Main Zara Bhi Allah Ka Khauf Rakhte Nahi

Zalzalon Ke Jhatkon Se Uth Jate Hain Foran
Hum Sun Ke Azan Kabhi Uthte Nahi

Ati Hai Museebat To Allah Yad Aata Hai
Werna To Kabhi Sajde Main Sar Jhukate Nahi

Kaanon Main Azan Ki Bhala Kese Aaey Awaaz
Band Kabhi Tv Ko Hum Kerte Nahi

Surat Se To Insan Nazer Ate Hain Hum
Seerat Se Mager Musalman Lagte Nahi

[...]

Jis Zikar Se Dharke Na Dil

Jis Zikar Se Dharke Na Dil Woh Zikar Kiya
Gar Ankh Se Nikle Na Ansoo Wo Fikar Kiya

Deedare Noor Ho Na Muyasar Wo Shukar Kiya
Mur Na Jaye Tere Ishq Main Khaqi Wo Bashar Kiya
Phonch Na Saqe Jo Huq O Batil Ko Wo Nazar Kiya

Zindagi Guzari Tere Imtehanon Main Aur Sabar Kiya
Garoon Main Pighalte Rahe Ab Khauf Kabar Kiya

Ishq Main Aqal Hi Na Raha Phir Hisab Hashar Kiya

[...]

Farsh-E-Malmal

Farsh-E-Malmal Par Soney Walon Ik Din Qabar Mein Sona Parega,
Apney Aamaal Ka Jaiza Lo Warna Qabar Mein Rona Parega,

Chor Dey Zindagi Ka Ye Mela Jayega Tu Yahan Se Akela,
Khobsurat Haseen Ye Badan Hai Is Ko Be Jaan Hona Parega,

Chaar Yaroon K Khandhon Par Jis Din Tera Janaza Niklega,
Ghar Se Pehen K Ik Kafan Ka Jora Janazey Pe Sona Parega,

Khaak Se Bana Ye Jism Tera Khaak Mein Hi Mil Jayega,
Ik Roz Yahan Par Tu Aya,Ik Roz To Jana Parega.

[...]

Dar e Rasool Pe Sajda

Unki Gali Man Naseeb Se Jana Naseeb Ho
Phir Lot K Waha Se Na Ana Naseeb Ho
Aesa Dar-E-Rasool Pe Sjda Ho Aakhri
K Mujh Ko Apna Sar Na Uthana Naseeb Ho

[...]

karoon Terey naam pe jan fida

karoon Terey naam pe jan fida,
ik jaan kya do jahan fida,

do jahan sey b nahee jee bhara,
karoon kya karoron jahan naheen

[...]

Toofan Bhi Khauf Khate Hain

Ho Ali Ke Naam Se Toofan Bhi Khauf Khate Hain
Jinhe Yakin Nahi Wo Doob Jate Hain
Farishte Qabr Me Kuch Aur Poochhte Hi Nahi
Zuban Pe Naam-E-Ali Sun Ke Laut Jate Hain

[...]

Sohni Surat MUHAMMAD Ki

Banai Kya KHUDA Ne Sohni Surat MUHAMMAD Ki
Huye Aashiq Wo Jisne Dekh Li Surat MUHAMMAD Ki

Kamal-E-Husn-E-Yusuf Pr Faqt Ashiq Zulekha Thi
KHUDA Khud Jis Pe Ashiq Hy Wo Surat Hy MUHAMMAD Ki

Muslamano Ko Jab Janat K Darwazy Pe Rokengy
Hukum Hoga K Jany Do Ye Ummat Hy MUHAMMAD Ki

[...]

Abhi Sasti Hay Namaz

Momin K Liye To Jan-E-Hasti Hay NAMAZ
Iman Ki Aghosh Me Basti Hay NAMAZ
Milti Nahi Mehshar Me Kisi B Qeemat Par
O Zindagi Walon Parh Lo Abhi Sasti Hay Namaz

[...]

Har Roz Musalman Hota Hay

Phir Un Ki Gali Main Pohnchay Ga
Phir Sahu Kay Sajday Karay Ga
Is Dil Par Bharosa Kon Karay
Har Roz Musalman Hota Hay

[...]

Ya Allah

Ya Allah – Teri Azmaton Say Hoon Bay-Khabar
Ye Meri Nazar Ka Kasoor Hai
Teri Rah?guzar May Kadam Kadam
Kahin Arsh Hai Kahin Toor Hai
Ye Baja Hai Malik-E-Band Agi
Meri Bandagi May Kasoor Hai
Ye Khata Hai Meri Khata Magar
Tera Naam Bhi To Ghafoor Hai
Ye Bata Tujh Se Miloon Kahan
Mujhe Tujh Say Milna Zaroor Hai
Kahin Dil Ki Shart Na Dalna
Abhi Dil Nigahon Say Dur Hai

[...]

Allah Insaan Sey Fermata Hey

Allah Insaan Sey Fermata Hey

Meri Teraf A Ker To Dekh
Mutawjah Na Hoon To Kehna

Meari Rah Main Chal K To Dekh
Rahain Na Khool Doo To Kehna

Mujh Sey Sawal Ker K Dekh
Bakhshish Ki Had Na Ker Doon To Kehna

Meray Liye Beyqader Ho K To Dekh
Qader Ki Had Na Ker Doon To Kehna

Meray Liye Lut K To Dekh
Rehmat K Khazaney Na Luta Doon To Kehna

Meray Liye Bik K To Dekh
Anmool Na Ker Doo To Kehna

Mujhey Rab Maan K To Dekh
Sab Sey Beyniyaaz Na Kerdoo To Kehna

Meray Khuaf Sey Ansoo To Baha K To Dekh
Maghfirat K Darya Na Bahadoo To Kehna

Wafa Ki Laaj Nibha K To Dekh
Ata Ki Had Na Kerdoon To Kehna

Meray Naam Ki Tazem Ker K To Dekh
Hakim-e-Takreem Ki Inteha Na ker Do To Kehna

Apni Hasti Ko Fana Ker K To Dekh
Jam-e-Baqa Sey Serfaraze Na Kerdoo To Kehna

Mujhey Haieyolkaieyoom Man K To Dekh
Abdi Hayat Ka Ameen Na Banadoon To Kehna

Mera Ho K To Dekh
Her Kisi Ko Tera Na Bana Doon To Kehna

[...]

Mujhe Zindagi Mai Ya Rab

ujhe Zindagi Mai Ya Rab Sar-E-Bandagi Ata Ker
Meray Dil Ki Be-Hisi Ko Gham-I-Aashiqi Ata Ker

Teray Dard Ki Chamak Ho, Teri Yaad Ki Kasak Ho
Meray Dil Ki Dharkano Ko Nai Be-Kali Ata Ker

Jo Tujhi Se Lo Laga De, Jo Mujhey Mera Pata De
Meray Ahed Ki Zuban Mai Mujhe Gum- Rahi Ata Ker

Jo Dilon Mai Noor Ker De Wo Hi Roshini Ata Ker

Mai Safr Mai So Na Jaon ,Mai Yahin Pe Koh Na Jaon
Mujhe Zoq-O-Shoq-I-Manzil Ki Hama-Hami Ata Ker

Bari Duur Hai Abhi Tak Rag-I-Jan Ki Musafat,
Jo Dia Hai Qurb Tu Ne Tu Shahor Bhi Ata Ker

Bhari Anjuman Mai Rah Ker Na Hua Aashana Kisi Se
Mujhe Doston K Jhurmat Mai Wo Be Kassi Ata Ker

Mujhe Teri Justo Jo Ho, Meray Dil Mai Tu Hi Tu Ho
Meray Qal?b Ko Wo Faiz –I-Dar-Aarfi Ata Ker

[...]

Quran ki faryaad

Quran ki faryaad

taaqo mein sajaya jaata hoon, aakhon se lagaaya jaata hoon
taweez banaya jaata hoon, dho dho ke pilaaya jaata hoon

juzdaan hareer-o-resham ke aur phool sitaare chaandi ke
phir itr ki baarish hoti hai, khusbu mein basaaya jaata hoon

jiss tarha se tota maina ko kuchh bol sikhaaye jaate hain
iss tarah parhaaya jaata hoon, iss tarah sikhaaya jaata hoon

jab qol-o-qasam lene ke liye takraat ki nobat aati hai
phir meri zaroorat parrti hai, haathon mein uthaaya jaata hoon

dil soz se khaali rehte hain, aankhen hain ke num hoti hi nahin
kehne ko main ek ek jalse mein parh parh ke sunaya jaata hoon

neki pe badi ka galba hai, sachchai se barhkar dhokha hai
ek baat hansaaya jaata hoon, sau baat rulaaya jaata hoon

ye meri aqeedat ke daawe, qanoon pe raazi ghairon ke
yun bhi mujhe ruswa karte hain, aise bhi sataaya jaata hoon.

[...]

Baagh~a~Rasool jaengay

Baagh~a~Rasool jaengay aaj nahi too kal sahi
baqshish k phool laengay aaj nahi too kal sahi
hongi duaen sab khabool sharat hai etaatay Rasool
jalwa hame dikhaenge aaj nahi too kal sahi
har lamha ho unki justaju dil mein rahe ye Aarzoo
tashreef aap laenge aaj nahi too kal sahi
go~k~gunahgar hai par ham wafa shaar hain
Rab se vo baqshwaenge aaj nahi too kal sahi
aas unhi se kijea unki duhae dijea
bigdi wahi banaenge aaj nahi too kal sahi
Raah galat ko chorea sachon se rishta jorea
Rab k Huzoor jaenge aaj nahi too kal sahi
ye ghar na apna ghar samajh apna na maal~o~zar samajh
ye too sab ***** jaengae aaj nahi too kal sahi
jab tak hai baqi zindagi Lazim hai Rab ki bandagi
iska sila bhi paenge aaj nahi too kal sahi
padhtay rahenge subah~O~shaam un par Darood~O~salam
dast a karam badhaengay aaj nahi too kal sahi

[...]

jb hath uthana dua k liye

jb hath uthana dua k liye'
tu muje mat bholna khuda k liye
kya pata k meray nasib ki bohat se Khushiyaan .....
muntazir hoon aapki 1 harf-e-DUA k liye...!

[...]

Panjgana Ho Namaz

Panjgana Ho Namaz Ke Haj-O-Zakat Ho,

Hum Sab Ruju Karte Hain Rahman Ki Taraf,

Lekin Karam Ki Hadd Hai Ye Rab-E-Kareem Ki,

Ramazan Chal Kay Aata Hai Insan Ki Taraf..!!

[...]